என் Steade கணக்கை எப்படி நீக்குவது?
Settings (அமைப்புகள்) பகுதிக்குச் சென்று, Delete account (கணக்கை நீக்கு) என்பதைத் தொட்டு, உங்கள் கடவுச்சொல்லை உள்ளிடுங்கள். உங்கள் சுயவிவரம் உடனே மறைந்துவிடும். நடப்பில் உள்ள அறிமுகமோ உரையாடலோ முடிந்துவிடும். எல்லாச் சாதனங்களிலிருந்தும் நீங்கள் வெளியேற்றப்படுவீர்கள். உங்கள் சுயவிவரம், புகைப்படங்கள், செய்திகள் 30 நாள்களுக்குள் அழிக்கப்படும்; காப்புப் பிரதிகள் 90 நாள்களுக்குள் காலாவதியாகும். கணக்கை நீக்கிய பிறகு அதைத் திரும்பப் பெற முடியாது.
படிகள்
- Profile (சுயவிவரம்) பகுதிக்குச் சென்று, அமைப்புகள் ஐகானைத் தொடுங்கள்.
- Account (கணக்கு) என்பதன் கீழ், Delete account என்பதைத் தொடுங்கள்.
- உங்கள் கடவுச்சொல்லை உள்ளிட்டு, Delete my account (என் கணக்கை நீக்கு) என்பதைத் தொடுங்கள்.
உங்கள் தரவின் நகல் பின்னர் தேவைப்படலாம் என்றால், முதலில் அதைப் பதிவிறக்குங்கள்.
என்ன நடக்கும்
- உடனே: உங்கள் சுயவிவரம் எல்லோரிடமிருந்தும் மறைக்கப்படும். நடப்பில் உள்ள அறிமுகமோ உரையாடலோ முடிந்துவிடும்; அது முடிந்துவிட்டது என்று மற்றவருக்குத் தெரிவிக்கப்படும். எல்லாச் சாதனங்களிலிருந்தும் நீங்கள் வெளியேற்றப்படுவீர்கள்; அறிவிப்புகளும் நின்றுவிடும்.
- 30 நாள்களுக்குள்: உங்கள் சுயவிவரம், புகைப்படங்கள், செய்திகள் அழிக்கப்படும்.
- 90 நாள்களுக்குள்: உங்கள் தரவைக் கொண்ட காப்புப் பிரதிகள் காலாவதியாகும்.
நீண்ட காலம் வைத்திருக்கப்படக்கூடியவை
உங்களுடனான உரையாடல் குறித்து யாராவது புகார் செய்திருந்தால், அந்தப் புகாருடன் இணைக்கப்பட்ட ஆதாரங்கள், கட்டுப்படுத்தப்பட்ட அணுகலுடன் 180 நாள்கள் வரை வைத்திருக்கப்படலாம். சட்டம் கோரினால் மட்டுமே அதற்கு மேலும் வைத்திருக்கப்படும்.
சற்று ஓய்வு மட்டும் தேவையா?
அதற்குப் பதிலாக, நீங்கள் அறிமுகங்களை இடைநிறுத்தலாம். உங்கள் சுயவிவரமும் விருப்பங்களும் சேமிக்கப்பட்டிருக்கும்; நீங்கள் விரும்பும் எந்த நேரத்திலும் திரும்பி வரலாம்.