Question 1

ஒவ்வோர் உறுப்பினரும் சரிபார்க்கப்பட்டவர் என்பதன் பொருள் என்ன?

Accepted Answer

ஓர் உண்மையான பெரியவரின் அடையாளம், அவரது சுயவிவரம் வெளியாவதற்கு முன் உறுதிசெய்யப்பட்டது என்பதே இதன் பொருள். இதற்கு, அவரது NRIC அல்லது சிங்கப்பூர் பாஸைச் செயலியில் எடுக்கப்பட்ட சுயபடத்துடன் ஒரு மதிப்பாய்வாளர் ஒப்பிட்டுப் பார்க்கிறார். ஒரே நபர் இரண்டு கணக்குகளைத் திறப்பதையும் இது தடுக்கிறது. ஆனால் ஒருவரின் நோக்கத்தை இது சொல்லாது; அதனால் சமூக விதிமுறைகள் எல்லோருக்கும் பொருந்தும்.

Question 2

ஒருவரைப் பற்றி எப்படிப் புகார் செய்வது?

Accepted Answer

அறிமுகத்தையோ உரையாடலையோ திறந்து, மேலே உள்ள மெனுவைத் தொட்டு, பிறகு Report (புகார் செய்) என்பதைத் தொடுங்கள். என்ன நடந்தது என்பதைத் தேர்ந்தெடுத்து, விரும்பினால் கூடுதல் விவரங்களைச் சேர்த்து, அனுப்புங்கள். புகார்கள் ரகசியமானவை: யார் புகார் செய்தார் என்று அந்த நபருக்குத் தெரியாது. ஒவ்வொரு புகாரையும் ஒரு மதிப்பாய்வாளர் பரிசீலிப்பார். ஒவ்வொன்றையும் பெற்றுக்கொண்டதை 24 மணி நேரத்துக்குள் உறுதிப்படுத்துவோம்.

Question 3

ஒருவரை எப்படித் தடுப்பது, பிறகு தடையை நீக்க முடியுமா?

Accepted Answer

அந்த அறிமுகத்தையோ உரையாடலையோ திறந்து, மேலே உள்ள மெனுவைத் தொடுங்கள். பிறகு Block (தடு) என்பதைத் தொட்டு உறுதிசெய்யுங்கள். அந்த அறிமுகமோ உரையாடலோ உடனே முடிந்துவிடும். நீங்கள் இருவரும் மீண்டும் ஒருபோதும் ஒருவருக்கொருவர் அறிமுகப்படுத்தப்பட மாட்டீர்கள். நீங்கள் தடுத்தீர்கள் என்று அவருக்குச் சொல்லப்படாது. அது முடிந்துவிட்டது என்பது மட்டுமே அவருக்குத் தெரியும். பின்னர் Settings (அமைப்புகள்) பகுதியில் அவர் மீதான தடையை நீக்கலாம்.

Question 4

காதல் மோசடியையோ முதலீட்டு மோசடியையோ எப்படி அடையாளம் காண்பது?

Accepted Answer

யாராவது விரைவாக வேறொரு செயலிக்கு மாற விரும்பினாலோ, பணம், மின்னிலக்க நாணயம் (கிரிப்டோ), பரிசு அட்டைகள் அல்லது முதலீட்டு வாய்ப்பு பற்றிப் பேசத் தொடங்கினாலோ கவனமாக இருங்கள். டேட்டிங் செயலிகளில் தொடங்கும் காதல் மோசடிகளும் முதலீட்டு மோசடிகளும் வழக்கமாக இப்படித்தான் நடக்கின்றன. Steade-இல் சந்தித்த யாருக்கும் ஒருபோதும் பணம் அனுப்பாதீர்கள். பணம் கேட்கும் எவரைப் பற்றியும் புகார் செய்யுங்கள்.

Question 5

Steade மதிப்பாய்வாளர்கள் என்ன செய்கிறார்கள்?

Accepted Answer

சுயவிவரங்கள் மற்றவர்களுக்குத் தெரியத் தொடங்கும் முன், Steade மதிப்பாய்வாளர்கள் அடையாள ஆவணங்களையும் புகைப்படங்களையும் சரிபார்க்கிறார்கள். ஒவ்வொரு புகாரையும் பரிசீலிக்கிறார்கள். யாராவது சமூக விதிமுறைகளை மீறினால் நடவடிக்கை எடுக்கிறார்கள். அவர்கள் ஓர் உறுப்பினரை எச்சரிக்கலாம், விசாரிக்கும்போது கணக்கைத் தற்காலிகமாக நிறுத்திவைக்கலாம், அல்லது கணக்கை மூடலாம். தங்கள் பணிக்குத் தேவைப்படும்போது மட்டுமே அவர்கள் தனிப்பட்ட தகவல்களைப் பார்க்கிறார்கள். ஒவ்வொரு முறை பார்ப்பதும் பதிவுசெய்யப்படுகிறது.

Question 6

என் கணக்கு நிறுத்திவைக்கப்பட்டுள்ளது. எப்படி மேல்முறையீடு செய்வது?

Accepted Answer

Steade-ஐத் திறந்து Home (முகப்பு) பக்கத்துக்குச் செல்லுங்கள். அங்கு Your account is on hold (உங்கள் கணக்கு நிறுத்திவைக்கப்பட்டுள்ளது) என்று காட்டப்படும். Why this happened (இது ஏன் நடந்தது) என்பதன் கீழ், மதிப்பாய்வாளர் கூறிய காரணம் இருக்கும். நாங்கள் தவறாக முடிவெடுத்துவிட்டோம் என்று நீங்கள் நினைத்தால், கீழே உள்ள பெட்டியில் என்ன நடந்தது என்று எங்களிடம் சொல்லி, Send appeal (மேல்முறையீட்டை அனுப்பு) என்பதைத் தொடுங்கள். ஒரு மதிப்பாய்வாளர் அதைப் பரிசீலிப்பார்; முடிவை உங்களுக்கு மின்னஞ்சலில் தெரிவிப்போம். ஒவ்வொரு முடிவுக்கும் ஒருமுறை மட்டுமே மேல்முறையீடு செய்ய முடியும்.